HEROINES

Heroine Nandita sweta

ఒక్కోసారి ఒక్కొక్కరు నచ్చేవారు

కళ్లతోనే వేల భావాలు పలికిస్తుంది. నవ్వుతో మాయ చేస్తుంది. మాట అయితే భలే ముద్దుగా ఉంటుంది. హుషారుకు పెట్టింది పేరైన కన్నడ కస్తూరి నందిత శ్వేత గురించే ఇదంతా. అందం, అభినయం, పాత్రల ఎంపిక… ఇలా అన్ని విషయాల్లోనూ ఆమె ప్రత్యేకమే. ‘ఎక్కడికి పోతావు చిన్నవాడా’తో తెలుగు తెరకు పరిచయమైన ఈ ముద్దుగుమ్మ…  ‘శ్రీనివాస కళ్యాణం’, ‘బ్లఫ్‌ మాస్టర్‌’ చిత్రాలతో మెరిసింది. ప్రస్తుతం ‘ప్రేమకథా చిత్రమ్‌2’తో పాటు… ‘కల్కి’, ‘అక్షర’ చిత్రాలు చేస్తోంది. చిన్ననాటి సంగతులు, కుటుంబం, స్నేహితులు… ఇలా పలు విషయాలు పంచుకుంది.
* ఇంతటి పోటీలోనూ వరుసగా అవకాశాలు సొంతం చేసుకొంటున్నారు. ఏమిటా రహస్యం?
అన్ని సినిమాలు హిట్టు కావాలి. నిర్మాతకి డబ్బు రావాలి. నేను ఆలోచించేది అంతవరకే. ఎవరు గొప్ప అనేది నేనో, నాకు పోటీ అనుకుంటున్న కథానాయికలో కలిసి నిర్ణయించుకోలేం కదా. అది ప్రేక్షకులు నిర్ణయిస్తారు. అందుకే పోటీ గురించి ఎప్పుడూ ఆలోచించను. 2018లో దాదాపు పది సినిమాలకి సంతకం చేశా.
* తెలుగులో తొలి సినిమాతోనే విజయాన్ని అందుకున్నారు. ఆ తర్వాత చాలా రోజులు కనిపించలేదెందుకు?
‘ఈ అమ్మాయి అభినయం శక్తివంతంగా ఉంటుంది. ఇలాంటి పాత్ర ఇవ్వడం కరెక్టా కాదా?’ అని చాలామంది దర్శకులు  మాట్లాడుకొన్నారట. కొద్దిమంది నన్ను ఎంపిక చేసుకోవాలనుకొన్నా… గందరగోళానికి గురయ్యారట. ఆ విషయం చాలా మంది చెప్పారు నాకు. నేను అన్ని రకాల పాత్రల్లో మెప్పించగలనని నిరూపించడానికి కొంచెం సమయం పట్టింది. అయితే నాకొచ్చిన గుర్తింపు మాత్రం సంతోషాన్నిచ్చింది. ఈ యేడాది ఫక్తు వాణిజ్య ప్రధానమైన చిత్రాల్లోనూ కనిపిస్తా.
* తెలుగు, తమిళం, కన్నడ… ఏ భాషలోకి వెళితే ఆ భాష మాట్లాడేస్తున్నారు. అదెలా సాధ్యమవుతోంది?
ఒక ఉద్యోగం చేయాలంటే, దానికి ఏమేం కావాలో ముందే నేర్చుకుంటారు కదా. ఇదీ అంతే. తమిళంలోకి వెళ్లిన కొత్తలో కొన్ని రోజులు ఇబ్బంది పడ్డాను తప్ప… ఎక్కడా భాష పరంగా సమస్య ఎదురు కాలేదు. ఇక తెలుగంటే నాకు మొదట్నుంచీ ఇష్టం. అందుకే తొలి సినిమా చేస్తున్నప్పుడే నేర్చుకున్నా.
* మీ అసలు పేరు శ్వేత అంట కదా. నందిత శ్వేత అని ఎందుకు మార్చుకున్నారు?
నా తొలి సినిమానే నా పేరును మార్చేసింది. కన్నడంలో ‘నంద లవ్స్‌ నందిత’ అనే సినిమాతో పరిచయమయ్యా. ఆ చిత్ర దర్శకనిర్మాతలు జ్యోతిష్యుడిని సంప్రదించి నా పేరు నందిత అయితే బాగుంటుందని అలా మార్చారు. అయితే నా అసలు పేరును వదులుకోవడం ఇష్టం లేక… నేను నందిత శ్వేత అని మార్చుకున్నా.
* కథానాయిక కావాలని చిన్నప్పుడే అనుకున్నారా?
చిన్నప్పుడు అసలు సినిమా ఆలోచనలే ఉండేవి కాదు. ఒక అబ్బాయిలాగా అల్లరి చేసేదాన్ని. డ్యాన్స్‌, బ్యాడ్మింటన్‌ అంటే ఇష్టం ఉండేది. ఎక్కడో నేను చేసిన డ్యాన్స్‌ చూసి, ఇంకెవరో చెప్పడంతో నాకు కన్నడంలో తొలి సినిమా అవకాశం వచ్చింది. అయితే స్కూల్‌లోనే నేనొక సెలబ్రిటీని. ఆటలు, సాంస్కృతిక కార్యక్రమాల్లో ముందుండటంతో నన్నంతా గుర్తుపట్టి, ప్రత్యేకంగా చూసేవాళ్లు.
* సినిమా రంగంలోకి వెళతానన్నప్పుడు ఇంట్లో అభ్యంతరం చెప్పారా?
మొదట నాన్న వద్దన్నారు. నేను నాలుగు రోజులు అన్నం తినలేదు. ఎంతోమంది ప్రయత్నిస్తే కానీ రాని అవకాశం నాకు అనుకోకుండా వచ్చినప్పుడు సద్వినియోగం చేసుకోవాలి కదా అనేది నా తాపత్రయం. అదే విషయం ఇంట్లో చెప్పి ఒప్పించా. కానీ ఇప్పుడు నా సినీ ప్రయాణం చూసి మా ఇంట్లో అంతా సంతోషిస్తుంటారు.

* కామెడీ అంటే నాకు బాగా ఇష్టం. తమిళంలో కామెడీ చేశాను కానీ, తెలుగులోనే ఆ అవకాశం రాలేదు. రొమాంటిక్‌గా సాగే ప్రేమకథల్లోనూ నటించాలని ఉంది.
*నేను చేసిన కొన్ని సినిమాల్ని చూసి నన్ను హోమ్‌లీ అంటుంటారు కానీ… నేను చాలా ట్రెండీ. బెంగళూరు అమ్మాయినండీ, నేను చాలా హాట్‌(నవ్వుతూ).
* నా చిన్నప్పటి మిత్రులు నలుగురున్నారు. ఏదైనా వాళ్లతోనే పంచుకుంటుంటా. తెరపై నన్ను చూసి వాళ్లు ఆటపట్టిస్తుంటారు. వాళ్లతో కలిసి నా సినిమా చూస్తున్నప్పుడు భలే సరదాగా ఉంటుంది.
*ప్రేమపై నమ్మకముంది. స్కూల్‌లో, కాలేజీలో ఇలా ఒక్కోసారి ఒకొక్కరు నచ్చేవారు. క్రష్‌ అనేది సహజమే కదా. కానీ ఎప్పుడూ సీరియస్‌గా ప్రేమలో మాత్రం పడలేదు. ప్రేమలో పడాలని నాకూ ఉంది. కానీ అది ఒక సినిమాకి సంతకం చేసినట్టుగా, ప్రణాళికతో చేసేది కాదు కదా. అనుకోకుండా పుట్టాలి. చూద్దాం… ఎవరితో ప్రేమలో పడతానో!

Heroine Vidyabalan

ఆరోజు బాగా ఏడ్చేశాను..!

బాలీవుడ్‌లో స్టార్‌ హీరో అనగానే వాళ్ల పేరు చివరన ఖాన్‌, కపూర్‌, సింగ్‌ పదాలు వినిపిస్తాయి. కానీ స్టార్‌ హీరోయిన్‌ అంటే మాత్రం విద్యాబాలన్‌ పేరు వినిపిస్తుంది. మహిళా ప్రధాన పాత్రలతో సినిమాల్ని చేస్తూ తనకంటూ స్టార్‌డమ్‌ సంపాదించుకున్న నటి విద్య. ‘ఎన్టీఆర్‌’ జీవితకథలో ‘బసవతారకం’ పాత్రతో తెలుగువారి ప్రశంసలూ అందుకున్న విద్య తన సినిమా ప్రస్థానం గురించి చెబుతోందిలా…

దక్షిణాది అమ్మాయినే అయినా ఇక్కడ సినిమాలు చేయని లోటు కెరీర్‌ మొదలుపెట్టిన 15 ఏళ్ల తర్వాత ‘ఎన్టీఆర్‌’తో తీరింది. డైరెక్టర్‌ క్రిష్‌, హీరో బాలకృష్ణ నన్ను బసవతారకం క్యారెక్టర్‌ చేయమని అడిగినపుడు ‘ఈ పాత్ర చేయడానికి పెద్దగా ఏముంటుందిలే’ అనుకున్నా. కానీ వాళ్లిద్దరూ ఆమె వ్యక్తిత్వం, ఎన్టీఆర్‌తో ఆమెకున్న అనుబంధం, పిల్లలపట్ల ఆమె అనురాగం… ఇలా ఒక్కో విషయమూ చెబుతుంటే నోరు తెరుచుకుని విన్నా. అప్పుడే ఎట్టి పరిస్థితుల్లోనూ ఈ పాత్ర చేయాలని నిర్ణయించుకున్నా. సినిమా షూటింగ్‌ మొదలవ్వక ముందే వీలున్నప్పుడల్లా హైదరాబాద్‌ వచ్చి ఎన్టీఆర్‌ కుటుంబ సభ్యులతో మాట్లాడుతూ బసవతారకంగారి గురించి  తెలుసుకునేదాన్ని. ఈ సినిమాతో మరో మంచి పాత్ర చేశానన్న సంతృప్తి కలిగింది. నా సినిమా ప్రస్థానాన్ని మొదట్నుంచీ చెప్పాలంటే మాత్రం ముంబయి నుంచి మొదలుపెట్టాలి.
17 ఏళ్ల వయసులో మా నాన్న పాలక్కడ్‌ రామయ్యర్‌ బాలన్‌ కేరళ నుంచి ముంబయికి వలసవచ్చారు. టైపిస్టుగా కెరీర్‌ మొదలుపెట్టి వివిధ హోదాల్లో పనిచేసి డిజీ కేబుల్‌లో ఎగ్జిక్యూటివ్‌ వైస్‌ ప్రెసిడెంట్‌గా రిటైరయ్యారు. అమ్మ సరస్వతి. అమ్మానాన్నలకు మేం ఇద్దరం ఆడపిల్లలం. నేను పుట్టి పెరిగింది ముంబయిలోనే. ‘ఏక్‌ దో తీన్‌…’ పాటలో మాధురీదీక్షిత్‌ని చూశాక సినిమాల్లోకి వెళ్లాలన్న ఆలోచన మొదటిసారి వచ్చింది. మాది కేరళలో స్థిరపడ్డ తమిళ అయ్యంగార్ల కుటుంబం. అప్పట్లో ప్రతి ఆదివారం దూరదర్శన్‌లో వచ్చే తమిళ, మలయాళీ సినిమాల్నీ మా అక్క ప్రియా, నేనూ చూసేవాళ్లం. ప్రియ ఒక యాడ్‌ ఏజెన్సీలో పనిచేసేది. నా ఫొటోల్ని ఆ ఏజెన్సీ వాళ్లకి చూపిస్తే ప్రకటనల్లో అవకాశాలు ఇచ్చారు. ఇంటర్మీడియెట్‌ నుంచీ ప్రకటనలకు మోడలింగ్‌ చేసేదాన్ని. ఇంటర్‌ తర్వాత సెయింట్‌ జేవియర్స్‌లో సోషియాలజీ మేజర్‌ తీసుకుని డిగ్రీలో చేరాను. నటి అవ్వడానికి నేనేమీ యాక్టింగ్‌ స్కూల్లో శిక్షణ తీసుకోలేదు. మోడల్‌గా చేస్తూనే యాడ్స్‌ తీసే మా స్నేహితుల్లో కొందరు షార్ట్‌ఫిల్మ్స్‌ తీస్తుంటే వాటిలో నటించేదాన్ని. ప్రకటనలకు వాయిస్‌ ఓవర్లు చెప్పేదాన్ని. కార్పొరేట్‌ సంస్థలు నిర్వహించే సమావేశాల్లో వ్యాఖ్యాతగా ఉండేదాన్ని. కానీ సినిమా అవకాశం కావాలంటూ ఎవరినీ అడగలేదు. ఎందుకంటే అలా ఒకరి దగ్గర చేయి చాస్తే అమ్మాయిలు ఇబ్బంది పడాల్సి వస్తుందని చాలామంది దగ్గర విన్నాను. ఆ పరిస్థితి వద్దనుకున్నాను.

పరిణీతతో మొదలు…
ప్రకటనల్లో చూసినవాళ్లు నన్ను సినిమాలకి సంప్రదించేవాళ్లు. చాలా మలయాళీ సినిమాల్లో ముందు నన్ను ఎంపికచేసినట్టు చెప్పి మళ్లీ వేరేవాళ్లని తీసుకునేవారు. ఒక సినిమా అయితే షూటింగ్‌ పూర్తయినా రిలీజ్‌ కాకుండా ఆగిపోయింది. తమిళంలోనూ అవకాశాలు వచ్చినట్టే వచ్చి పోయేవి. బాలీవుడ్‌లోనూ ఇలాంటి అనుభవాలే. మా ఇంటి దగ్గర్లో సాయిబాబా గుడి ఉంటుంది. అవకాశాలు వచ్చిపోయినప్పుడల్లా అక్కడ కూర్చుని బాధతో ఏడ్చేసేదాన్ని.

ఇక సినిమాలు వద్దు అనుకునేదాన్ని. కానీ మర్నాడు నిద్రలేచి మళ్లీ అద్దంలో చూసుకోగానే సినిమానే గుర్తొచ్చేది. ఆ దశలో కొన్ని టీవీ సీరియల్స్‌లో అవకాశం వస్తే అయిష్టంగానే చేశాను.
89 యాడ్స్‌, మూడు మ్యూజిక్‌ వీడియోలు, రెండు సీరియళ్లు చేశాక, పన్నెండు సినిమాల్లో వచ్చిన అవకాశాలు పోయిన తర్వాత 2003లో ఓ బెంగాలీ సినిమాలో ఛాన్స్‌ వచ్చింది. తర్వాత రెండేళ్లకు హిందీలో ‘పరిణీత’ ఛాన్స్‌ వచ్చింది. నాతో ప్రకటనలూ, వీడియో ఆల్బమ్‌లూ చేసిన ప్రదీప్‌ సర్కార్‌ నాకు అందులో ఛాన్స్‌ ఇచ్చారు. అప్పట్నుంచీ ఆయనే నా మార్గదర్శి. నా ముఖం కుడివైపుకంటే కూడా ఎడమవైపు అందంగా కనిపిస్తుందని ప్రదీప్‌ చెప్పారు. అప్పట్నుంచీ నా ఫొటోల్నీ, వీడియోల్నీ ఎడమవైపే ఎక్కువగా తీయమని చెబుతుంటా.

‘పరిణీత’తో మంచి విజయాన్ని అందుకున్నాను. రెండో చిత్రం ‘మున్నాభాయ్‌ ఎంబీబీఎస్‌’ కూడా మంచి హిట్‌. తర్వాత వరసగా ఫ్లాప్‌లు వచ్చాయి. దాంతో ఎన్నో విమర్శల్ని ఎదుర్కోవాల్సి వచ్చింది. ‘విద్య నటన అంత బాగుండదు’, ‘లావుగా ఉంది’, ‘డ్రెస్‌ సెన్స్‌ లేదు’, ‘ఫ్యాషన్లు తెలీదు’… ఇలాంటి మాటలు ఎన్నో విన్నాను. ‘ఎంత చక్కగా ఉంది నీ ముఖం. కాస్త ఒళ్లు తగ్గించుకోవచ్చు కదా!’ అన్న మాటలు సినిమాల్లోకి రాకముందు కూడా తరచూ వింటుండేదాన్ని. ఆ మాటలు వినీ వినీ నా శరీరాకృతిని నేనే అసహ్యించుకునేదాన్ని. కష్టపడి మరీ వ్యాయామం చేసేదాన్ని. దాంతో శరీరంలో హార్మోన్ల బ్యాలెన్స్‌ తప్పేది. బరువు తగ్గడం, పెరగడం… ఇదే రొటీన్‌ అయ్యేది. ఈ క్రమంలోనే నా శరీరం తీరుని అర్థం చేసుకున్నాను. ఇప్పుడు నా శరీరాన్ని కష్టమైన వ్యాయామాలతో నరకయాతన పెట్టను. ఆహార నియమాలతో కడుపు మాడ్చుకోను. ‘మన శరీరాన్ని మనం ప్రేమించకపోతే ఎవరు ప్రేమిస్తారు’ అనే పాలసీకి వచ్చేశాను. ఇప్పుడు జనం కూడా నన్ను ఇలాగే చూడ్డానికి ఇష్టపడుతున్నారు.

ఆ దశను దాటేశాను…
నేను ఎక్కువగా పాతికేళ్ల మహిళ, గృహిణి పాత్రల్ని పోషిస్తూ వచ్చాను. ‘ఇలా అయితే నీ కెరీర్‌ త్వరలోనే ముగుస్తుంది’ అనేవారు. అందుకే హే బేబీ, కిస్మత్‌ కనెక్షన్‌లాంటి సినిమాల్లో కాలేజీ అమ్మాయి, పెళ్లికాని అమ్మాయి పాత్రల్లో నటించాను. కానీ వాటిలో అనుకున్నంతగా మెప్పించలేకపోయాను. అందుకే తర్వాత నుంచీ అమ్మాయిల పాత్రలు మానేసి నా వయసుకీ, శరీరాకృతికీ సరిపోయే క్యారెక్టర్లని చేయడం మొదలుపెట్టాను. దాంతో మళ్లీ సక్సెస్‌ రుచి చూశాను. నేను చేసిన ‘ఇష్కియా’, ‘పా’, ‘నో వన్‌ కిల్డ్‌ జెస్సికా’, ‘డర్టీ పిక్చర్‌’, ‘కహానీ’ లాంటి సినిమాలు మంచి పేరు తెచ్చాయి. సిల్క్‌స్మిత జీవితకథ ఆధారంగా వచ్చిన ‘డర్టీ పిక్చర్‌’కిగానూ ఉత్తమనటిగా జాతీయ అవార్డునీ అందుకున్నాను. ఆ తర్వాత కూడా నావి కొన్ని సినిమాలు బాగా ఆడలేదు. నటులు ఎవరైనా ఈ దశలన్నీ దాటాల్సిందేనని తర్వాత అర్థమైంది. లేకుంటే మనకు ఏది సరైనదో తెలియదు. ఈ ప్రయాణంలో నాకు అర్థమైందేంటంటే హిట్లు మనల్ని ఇండస్ట్రీలో ఎప్పటికీ ఉండేలా చేయలేవు, అలాగే ఫ్లాప్‌లూ ఇక్కణ్నుంచి బయటకు పంపేయలేవు. వైఫల్యాలు ఎదురైనపుడు తమలోని ఉత్సాహాన్ని కోల్పోనివాళ్లే విజయవంతమవుతారు. ఏదైనా పాత్ర వచ్చినపుడు దర్శకుడిని సందేహాలు అడిగి క్యారెక్టర్‌ని లోతుగా అర్థం చేసుకోడానికి ప్రయత్నిస్తాను. పాత్రకు న్యాయం చేయడానికి అవసరమైన పుస్తకాలు చదువుతాను, సినిమాలు చూస్తాను, వ్యక్తుల్ని కలుస్తాను. నేను చేసినవాటిలో ఎక్కువగా కష్టాలూ, బాధల్ని ఎదుర్కొన్న పాత్రలు ఉన్నాయి. ‘హమారీ అధూరీ కహానీ’లో కోపంగా కనిపించే పాత్రను చేశాను. 2017లో వచ్చిన ‘తుమ్హారీ సులు’ సినిమాలో పూర్తి నిడివి కామెడీ పాత్ర చేశాను. ఇప్పుడు జీవితంలోనూ చాలా సంతోషంగా, నవ్వుతూ ఉంటున్నాను. అందుకేనేమో ఆ క్యారెక్టర్‌ బాగా పండింది. ప్రతి సినిమాకీ ఒక ప్రత్యేకమైన ఫెర్‌ఫ్యూమ్‌ని వాడతాను. ఆ క్యారెక్టర్‌ స్వభావానికి సరిపోయేలా ఘాటుగా లేదంటే మృదువుగా ఉండే ఫ్లేవర్లని ఎంచుకుంటాను. ఆ సినిమా షూటింగ్‌ ప్రారంభం నుంచి ప్రమోషన్ల వరకూ అదే వాడతాను. నటిగా నన్ను నేనొక ఆడపులిగా భావిస్తాను. ప్రతి సినిమా తర్వాత నటన పరంగా నా ఆకలిని మరింత పెôచుకుంటాను.

అనుభవంతో అందం!
ఈ మధ్య వయసుతోపాటు అందం కూడా పెరుగుతోందని కాంప్లిమెంట్‌లు ఇస్తున్నారు. వయసుతో చాలా విషయాలు తెలుస్తాయి. మనల్ని మనం అర్థం చేసుకుంటాం. మన పరిధిలో లేని విషయాల గురించి తక్కువ ఆలోచిస్తాం. ఈ మార్పులవల్ల మనం సంతోషంగా ఉంటాం. అది ముఖంలో కనిపిస్తుంది. 20లలో ఉన్నపుడు నా కలల్ని నిజం చేసుకోవడం గురించి ఆలోచించాను. 30లలో నన్ను నేను తెలుసుకోవడం గురించి ఆలోచించాను. నలభైకి దగ్గరయ్యాక నన్ను నేను ప్రేమించడం మొదలుపెట్టాను.
అందుకేనేమో అందంగా కనిపిస్తున్నాను.


నేను… న్యూ ఇయర్‌ గిఫ్ట్‌!

నేను పుట్టింది 1979 జనవరి 1న. అందుకే  మా వాళ్లంతా నన్ను కొత్త సంవత్సరం కానుక అనేవారు.
*మావారు సిద్ధార్థ్‌ రాయ్‌ కపూర్‌. సినీ నిర్మాత. మా వివాహ బంధానికి ఎనిమిదేళ్లు. ఇద్దరం కలిసి పనిచేయడం గురించి చాలామంది అడుగుతారు. వృత్తిగత, వ్యక్తిగత జీవితాల మధ్య గ్యాప్‌ ఉండటానికి మేం కలిసి పనిచేయకూడదని నిర్ణయించుకున్నాం. పిల్లలు ఎప్పుడు అని సన్నిహితులు అడుగుతుంటారు. ప్రస్తుతానికి నా దృష్టంతా సినిమాలపైనే!
* నేను పుట్టిపెరిగింది చెంబూరులో. నా పెళ్లి అయ్యేంత వరకూ అదే ప్రాంతంలో ఉన్నాను. అక్కడ మాకో సింగిల్‌ బెడ్‌ రూమ్‌ ఫ్లాట్‌ ఉండేది.
ఈ మధ్యనే అది అమ్మేశాం. ఆరోజు నేను బాగా ఏడ్చేశాను. ఎందుకంటే నా జీవితంలో ఎక్కువ కాలం ఉన్నది ఆ ఇంట్లోనే.
* వేడుక ఏదైనాసరే చీరలో వెళ్లడానికే ఇష్టపడతాను. చాలామంది నన్ను చీరకట్టుకే ట్రేడ్‌మార్క్‌ అంటారు.
* నటి ప్రియమణి నాకు కజిన్‌.
* ఇంట్లో తమిళం, మలయాళం మాట్లాడుకుంటాం. నాకు హిందీ, ఇంగ్లిష్‌, బెంగాలీ భాషలూ వచ్చు.
* ప్రస్తుతం తమిళంలో ‘పింక్‌’ రీమేక్‌లో నటిస్తున్నాను.
* నేను పనిచేసిన సినిమా షూటింగ్‌ ఆఖరి రోజున తోటి నటులకు బహుమతులు ఇవ్వడం అలవాటు. అది ఒక విధంగా వాళ్లకి థ్యాంక్స్‌ చెప్పడమే.

heroine priya prakash varior

5c45493d-863b-4844-9d0c-2d0693ce6421 priya prakash varior

Heroine kira adwani

heroine kiyara adwaniheroine kira adwani 1 heroine kiraadwani 25efcee82-b099-4a7f-808c-104a93aafc69 c2f6cbbe-2496-4fed-8fd2-e03a55fdbaa6b5179504-9810-409e-915e-d6b1407cdc69 fcaccadb-b96d-4064-8b77-0412e9da1a67heroine kaira adwani 1 heroine kaira adwani 2

Heroine priyanka jawalkar (Taxiwala)

heroine priyanka taxivala

Heroine Hebbapatel

82947692-6646-4439-9a56-0a29e0be0497

Heroine Nabha Natesh

f50d6a1d_158569_6heroine nabhanateshnabha natesh eef6d21144-494f-4f48-bf64-3cf8ef34209cheroine nabha natesh

Heroine varalakshmi (Tamil)

varalakshmi tamil 1 7badf403-4183-49f5-b5ee-8aec200e6659

heroine rasmika mandana

heroine rasikhanna 1 (2) heroine rasikhanna 1 heroine rashmika 1 heroine rashmika 2rashmika

Heroine Keerti suresh

 

 

 

 

 

6aeca264-3bfd-4405-8bce-b6452e4940b8

 

 

ఇక బయోపిక్స్‌ చేయను!
జాతీయస్థాయి కీర్తి

కన్ను గీటితే… శశిరేఖ, కంట నీరొలికితే… పార్వతి, కంట నీరు తెప్పిస్తే… సుమంగళి…  పాత్ర ఏదైనా ఆమెకు ఆమే సాటి. నటిగా సావిత్రిది ఎవరెస్టు స్థాయి… అంతటి మహానటి పాత్రలో ఒదిగి, నటిగా ఎంతో ఎదిగిన కీర్తి సురేష్‌ ఇప్పుడు జాతీయ అవార్డుతో మరోస్థాయిని అందుకున్నారు.  ఈ సందర్భంగా ఆమెను పలకరిస్తే… ఎన్నో కబుర్లు చెప్పారు.

* నేను పుట్టి పెరిగింది సినిమా నేపథ్యం ఉన్న కుటుంబంలో. అమ్మ మేనక మంచి నటి. నాన్న సురేష్‌కుమార్‌ నిర్మాత. మా అక్క రేవతి ప్రస్తుతం ఈ రంగానికి సంబంధించి అకాడమీ బాధ్యతలను నిర్వహిస్తోంది.
* మలయాళం, తమిళ చిత్రాల్లో నటించిన అమ్మ తెరపైనే నటి. ఇంటి ముందు ముగ్గు పెట్టడం నుంచి మా ఆలనాపాలనా వరకు అంతా ఆమే చూసేది. స్కూల్‌ ఫస్ట్‌ వచ్చేయాలి, వందకు వంద మార్కులు తెచ్చుకోవాలని ఇబ్బంది పెట్టేది కాదు. జీవితానికి చదువు ముఖ్యం. చదువే జీవితం కాకూడదు అనేది. 70శాతం మార్కులు తెచ్చుకునే వాళ్లం.
* జాతీయ ఉత్తమ నటి పురస్కారానికి ఎంపికైనట్లు తెలిసినప్పుడు అమ్మ, నాన్న దగ్గరే ఉన్నాను. చాలా సంతోషమేసింది. తెరపై అమ్మ నటన అద్భుతంగా ఉంటుంది. ఆమె నటించిన ‘ఓ పోల్‌’ (తోబుట్టువు) చిత్రంలో ఆమె పాత్ర జాతీయ ఉత్తమ నటి అవార్డుకు నామినేట్‌ అయ్యింది. అయితే చివరి ఎంపికలో అమ్మ పేరు లేదు. ఆ సందర్భంలో తనకు కలిగిన నిరుత్సాహం అమ్మ ఎప్పుడూ గుర్తు చేసుకుంటూనే ఉంటుంది. ఇప్పుడు నాకు దక్కిన ఈ గౌరవాన్ని అమ్మకు అంకితమిస్తున్నా.
* మహానటి ప్రాజెక్టు గురించి చెప్పినప్పుడు ముందుగా అమ్మ చాలా భయపడింది. సహజసిద్ధమైన నటన ఉంటేనే ఆ పాత్రకు న్యాయం చేయగలుగుతాం అంది. నిర్మాతలు, దర్శకుడు ఇచ్చిన ధైర్యంతో ముందడుగు వేశా.
* ముందుగా మాయాబజార్‌ సినిమాలోని షాట్‌ చిత్రీకరించారు. చాలా టేక్స్‌ తీసుకున్నా. దానికి ముందుగా చాలాసార్లు రిహార్సల్స్‌ చేశాం. ఎడమ కంటి నుంచి రెండు నీటి బొట్లు, కుడి కంటిలో ప్రేమ కనిపించే సీన్‌ కోసం రెండు గంటలపాటు ప్రయత్నించాను.
* మహానటి చిత్రం పూర్తిగా భావోద్వేగాలమయం. మనసులోని భావాలు ముఖంపై ప్రతిఫలించాలి. ఆమె నడక, తలకట్టు, దుస్తులు అన్నింటిలో ఆమెలా మారిపోతేనే పాత్ర పరిపుష్టి అవుతుంది. దాదాపు వంద రకాలకు పైగా దుస్తులను ధరించా. మొదటి రోజు మేకప్‌కు నాలుగు గంటలకు పైగా పటింది. ఏడాదికి పైగా ఆ పాత్రలో లీనమైపోయా. చాలారోజులు నిద్రపట్టేది కాదు. పగలు షూటింగ్‌లో ముఖం వాడినట్లు కనిపిస్తుందని భయం. ఇలా ఎన్నో ఇబ్బందులకు గురయ్యేదాన్ని.
* మహానటి చిత్రం విడుదలైన తరువాత అభిమానులే కాదు, విమర్శకులూ బ్రహ్మరథం పట్టారు. ఇప్పుడు జాతీయ స్థాయిలో గౌరవాన్ని అందుకోబోతున్నా. దీనికి సహకరించిన టెక్నీషియన్స్‌ అందరికీ కృతజ్ఞతలు చెప్పుకొంటున్నా. అలాగే ఈ చిత్రంలోని కొన్ని సంఘటనలు, సన్నివేశాల వల్ల ఎవరైనా బాధపడి ఉంటే వారిని క్షమాపణలు కోరుకుంటున్నా.
* మరో బయోపిక్‌ ఒప్పుకొంటారా అని చాలామంది అడుగుతుంటారు. ఇదే మొదటిది, చివరిది అని చెబుతుంటా. ఎందుకంటే మహానటి లాంటి పాత్రలో నటించి మరో పాత్ర చేయాలని లేదు. అంతగా ఈ పాత్రకు ప్రభావితురాలినయ్యా. షూటింగ్‌ పూర్తయ్యే 10 రోజుల ముందు నుంచే మనసులో ఏదో బాధ మొదలైంది. చిత్రీకరణ పూర్తయిన తరువాత ఏడ్చేశా. ఏదో వదిలివెళుతున్నట్లే అనిపించింది. పెద్దనాన్న పాత్రలో చేసిన రాజేంద్రప్రసాద్‌ షూటింగ్‌ ముగిసి, వెళ్లిపోతుంటే కళ్లల్లో నీళ్లు కారిపోయాయి. ఆయనను గట్టిగా హత్తుకుని ఏడ్చేశా. అందుకే నేను అంటుంటా… ‘మహానటి ఓ మహాద్భుతం…ఓ ప్రయాణం. మనషులనే కాదు, మనసులను కూడా కట్టిపడేసే మాయాజాలం ఆ చిత్రం’ అని.
* హాలీవుడ్‌లో టామ్‌క్రూస్‌ అభిమానిని. బాలీవుడ్‌లో షారూఖ్‌ఖాన్‌, దీపికా పదుకోణే, ఆలియాభట్‌ అంటే చాలా ఇష్టం. నయనతార డ్రెస్‌ సెన్స్‌, సిమ్రాన్‌ డ్యాన్స్‌ అంటే ఫిదా అయిపోతా.

క్రేజీగాఓసారి ఒక నగల దుకాణం ప్రారంభోత్సవానికి వెళ్లినప్పుడు ఓ అభిమాని నావద్దకు వచ్చి కానుకిచ్చి వెళ్లాడు. అదేంటంటే నా ఫొటోలన్నింటినీ పొందుపరిచిన అల్బంలాంటిది. వాటితోపాటు ఒక ఉత్తరం కూడా ఉంది. నన్ను ప్రపోజ్‌ చేస్తూ రాసిన ఆ లేఖను ఉంచుకున్నా. ఎందుకంటే కాలేజీ రోజుల్లో ఒక్క ప్రేమలేఖా రాలేదు కాబట్టి.
సామాజిక సేవలో

గతేడాది కేరళలో వరద బాధితులకు చేయూత అందించాలనుకున్నా. ఒక బృందంతో కలిసి ఆయా ప్రాంతాలన్నీ చుట్టివచ్చి, ఇబ్బందులన్నీ తెలుసుకున్నా. వెంటనే స్థానిక ప్రభుత్వ కాలేజీలో కొన్ని రోజులు బృందంతో కలిసి ఉండి ఫ్యామిలీ కిట్‌లు తయారుచేసి పంపిణీ చేశాం. ఆ కిట్‌లో బియ్యం, పప్పు, ఉప్పు, వంట సరుకులు, కూరగాయలు వంటివన్నీ ఉండేలా దగ్గరుండి చూసుకున్నా. అలాగే మహిళలకు కావాల్సిన శానిటరీ న్యాప్‌కిన్స్‌ నుంచి లోదుస్తుల వరకు అందేలా కృషి చేశా. అమ్మ నుంచి ఇవన్నీ నేర్చుకున్నా.

తరగతులెగ్గొట్టిసినీ రంగంలోకన్నా కాలేజీ స్నేహితులే నాకు ఎక్కువ. తరగతులు ఎగ్గొట్టి చాలా సినిమాలు చూసేవాళ్లం. ఇప్పుడు బిజీ అవడంతో వారందరినీ కలవలేకపోతున్నా. దుస్తుల్లో పార్టీవేర్‌ కన్నా సాదాసీదా అవుట్‌ఫిట్స్‌ అంటే ఇష్టపడతా. ఆకుపచ్చ రంగంటే ఇష్టం. నేను చదివిన కాస్ట్యూమ్‌ డిజైనింగ్‌ కోర్సును నా వృత్తిలో ఉపయోగిస్తూ ఉంటా.